من جبروت جوزي

الدكتور

يامدام قولت لحضرتك اهدي بس انا بكشف عليه اهو هو في ايه بس

الام

اصلك مطورني من الصبح ولا قولت ابني عنده ايه ولا فيه ايه وعمال تستغفر وتقول كلام غريب ده ايه المصيبة السودة دي

الدكتور

اصل الصراحة كده يا مدام الاستاذ شكلة حامل وفي اول شهر من الحمل

الام

نعم نعم ياخويا الاستاذ شكلة ايه انت يا راجل انت مجنون ولا شكلك كده ما تقول كلام عدل هو مين ده اللي حامل هااار اسود لكلام البت رقيه يطلع صح

يوسف

ايه الكلام الغريب ده يا ماما انا حامل حامل ازاى ما تقول كلام عاقلين يا راجل انت ازاى يعني انا حامل انت مجنون ااااه ياااني

الدكتور

حضرتك انا بقولك اللي انا شايفه في السونار قدامي اهو واللي انت حاسس بيه ده كل الأعراض بتدل على انك حامل يعني انا مجبتش حاجة من عندي

يوسف

يلا يا ماما نروح لدكتور الدكتور ده شكله مش بيفهم حاجة يلا بينا لحسن لو مش مشيت من هنا هطربق العيادة دي على نافوخة دلوقتي

ومشيو وراحوا لدكتور تاني وقالهم نفس الكلام وفي بيتي اتصلت بسارة وقالت لي

سارة

ههههه انتي بتتكلمي بجد يا رقيه يبقا كده حصل يا حبيبتي وجوزك بقا حامل

رقيه

يلهوي انتي بتتكلمي عن الموضوع كده كانه سهل يا سارة انا ايه اللي انا عملته في جوزي ده بس ياريتني ما كنت سمعت كلامك يازفتة انتي

سارة

يا هبله انتي اسمعي دلوقتي جوزك لما يبقا حامل هيعاني نفس المعاناه اللي انتي كنتي بتعانيها يعني مش هيقدر بعد كده يقولك بك على حاجة ابدا

رقيه

انتي بتقولي ايه يعني هو كده مصلحة ليا انا الحمل بتاعه ده انتي متأكده يا سارة

ولقيته داخل هو وامه وانا قولت لسارة

طيب اقفلي دلوقتي وهبقي اكلمك بعدين يلا اقفلي سلام حمد الله على السلامة يا حبيبي خير طمني

الحما

اتنيلي اسكتي يا رقية وخلي بالك من جوزك واعملي له كل اللي نفسه فيه واوعي تقولي له لا على حاجة انتي سامعه

رقيه

وليه ده كله يا حماتي هو يوسف هيموت ولا ايه صارحوني

الحما

ياختي بعد الشر عليه فال الله ولا فالك جوزك زي الفل هو بس محتاج راحة في السرير والدكتور قال ما يتحركش كتير عشان الحمل

رقيه.

عشان اييييه حمل حمل ايه انت حامل يا يوسف

يوسف هز راسة بالموافقه وانا كملت وقولت

ياحبيبي يا يوسف لا يا قلبي الف سلامة وربنا يكملك على خير يارب

يوسف

انتي بتتريقي عليا يا رقيه مش كده طب وديني لاوريكي

رقيه.

انا برضو بتريق عليك يا يوسف شوفتي يا طنط طريقة ابنك عامله ازاي بقا انا برضو هتريق عليه ليه يعني اخس عليك

الحما

معلش يا حبيبتي هو مايقصدش حاجة ابدا انتي بس ادخلي اعملي له لقمة ياكلها يلا ادخلي وانا تفاهم معاه ودخلت المطبخ وامه قالت له

جرا ايه يابني ماتبطل العصبيه اللي فيك دي الله خليها تعدي على خير مش كده

يوسف

على اخر الزمن هبقا حامل طيب هنزل شغلي ازاى انا دلوقتي وهتعامل مع الناس ازاى انا بس مش فاهم

الام

معلش انت قدم على اجازة اليومين دول بس كده لحد لما ربنا يسهلها لك وتقوم بالسلامة

وانا دخلت وقولت

رقيه

يومين ايه بس يا طنط اللي ياخدهم اجازة ده المفروض ياخد كل الشهور اجازة لحد لما يولد بالسلامة انا بقترح اني انا انزل اشتغل وهو يرتاح في البيت انا دلوقتي اقدر اشتغل وكده

يوسف اتعصب

نعم ياختي اااه تشتغلي ليه أن شاء الله وانا ايه روحت فين اااه يابطني

رقيه.

يا حبيبي ما انت شايف نفسك تعبان اهو طيب واحنا هناكل منين بس يبقا لازم انزل انا اشتغل وانت ترتاح في البيت

يوسف

ده على جثتي يا رقيه انك تنزلي من البيت وده يبص لك وده يكلمك ايه انا خلاص بقيت سوسن ولا ايه

رقيه.

خلاص شوف احنا بقا هنعيش منين الفترة دي وانا كمان محتاجة مصاريف عشان الحمل بتاعي وانا كمان يعني احنا الاتنين محتاجين مصاريف ايه هنجيب حد يصرف علينا

يوسف

يا ماما شوفي لي حد ينزل الحمل ده انا مش هكمل في الحمل ده

الام

يلهوي حمل ايه اللي ينزل يا حبيبي لا لا هو انت مش سمعت الدكتور وهو بيقول ان في خطر على حياتك لا يا ضنايا لا الحمل هيكمل ان شاء الله وتقوم بالسلامة

رقيه

خلاص يبقا تعقلي ابنك يا طنط وتقولي له يسبني انزل اشتغل واشوف اكل عيشنا بدال ما أنا وهو نقعد جنب بعض ومنلاقيش ناكل

الحما

والنبي انتي بنت أصيلة يا رقيه تصدق ياواد يا يوسف انت يا زين ما اخترت يبقا رقيه تنزل تشتغل وتروح هي تجيب لك الفلوس اللي تعيشو منها

يوسف

استغفر الله العظيم يارب على اخر الزمن هبقا قاعد في البيت زي الولايه ومراتي هي اللي تنزل تصرف عليا ادي اللي كان ناقص كان مستخبي لك فين ده كله يا يوسف

رقيه

لا حول ولا قوة الا بالله هو انت لا عجبك لا كده ولا كده احمد ربنا ان انت معاك واحده زي ماشي يا حبيبي

وسبتهم ودخلت اوضتي وهو قال لأمه

يوسف

شوفتي يا ماما شوفتي بقا انا بقا يتقالي الكلام ده اعاااااااا انا عايز اكل فسيخ دلوقتي حالا روحي هاتي لي فسيخ يلا

الام

فسيخ ايه ده انت عمرك ما كنت بتطيق ريحتة في البيت يا يوسف ازاى بس عايز تأكله يابني لا حول الله اعدي كده

يوسف

مليش دعوة روحي دلوقتي هاتي لي فسيخ هو الحمل طالب فسيخ وانتي عايزة الواد يطلع له فسيخة في وشة يا ماما ولا ايه

الام

لا لا كله الا كده بقا حفيدي يبقا عنده فسيخة في وشة لا انا هاروح اجيب لك يا ضنايا

وبعدها نزلت حماتي وانا بقيت انزل واروح واجي وفي يوم كنت داخله ويوسف قالي

يوسف

ااه ياني جبتي كل الخضار اللي طلبتة منك يا رقيه ااه الحمل ده متعب بشكل

رقيه

معلش يا حبيبي بكرة تتعوض هي بتبقا اول مره كده بس انما بعد كده هتلاقيك اتعود ماما قالت لي

يوسف

ياختي بلا نيلة هو انا هعملها تاني ده هي المره دي وبس مش هحاول امي اعملها تاني خلاص