مدير الملجا

مدير الملجأ وكل ما نبدا الحكايه اعرفكم بنفسي انا اسماء كنت قاعده ودخلت صاحبتي ساره اسماء: هو انتي صحيتي امتى وخرجت ليه كده من غير ما تقولي ليا وكنت فين دلوقتي وراجعة شكلك عامل كده ليه؟ ساره وهي رايحه علي السرير بتقول: بقولك ايه اقفلي التحقيق بتاعك اللي انت فاتحه عليا ده انا عايزه انام ماشي.
اسماء: …

ساره: تبقي ريحتيني والله لو عملت كده بس اعملي حسابك ان مش هيصدقوكي وانتي اللي هتلبسي المشكلة ولا انتي ناسيه اللي حصل ولا ايه يا حبيبتي اسكتي وحطي لسانك في بوقك احسن.
اسماء: يعني المفروض نسكت على اللي احنا شايفينه ده على فكره حرام كده والله ما ينفعش اللي احنا فيه ده.
ساره: بقولك ايه يا حبيبتي كلي عيش يا اسماء كلي عيش وانا من رايي انك تدخلي له بكره عشان الشغل يخف من عليك شويه بدال ما انتي مترمطة كده.

في يوم، كانت استاذ يسري واقف قدام مكتبه ومعاه بنات وعامل يزعق فيهم وجت ابله ياسمين وقالت:
ياسمين: خير في ايه بس يا استاذ يسري انت عمال تزعق للعيال بالطريقه دي كده ليه هم عملوا ايه بس فهمني حضرتك وانا هحل.
يسري: عملهم مهبب يا ابلة ياسمين الاثنين دول ما صلوش الفجر وانا عرفت الكلام ده كويس قوي وعقابهم هيكون شديد معايا.
ياسمين: طيب معلش كلمهم بالراحه يا استاذ يسري وبعدين هم مش أطفال علشان خاطر تعمل فيهم كده.
يسري: يا ابلة علموهم واضربوهم، وبعدين هو انت هتعرفي الكلام ده ازاي ان شاء الله وانت ماشيه لي بشعرك كده وفرحانه بيه اوي ياريتك تسكتي احسن.
ياسمين: ايه الكلام ده على فكره ده موضوع ميخصكش خالص واخرج زي ما انا عايزه انت سامع ولا لا وهنا زيي زيك ما ينفعش انك تكلمني بالطريقه اللي انت بتتكلم بيها معايا دي.
يسري: خلاص يا استاذه النقاش ما بينا انتهى اتفضلي يلا روحي شوفي شغلك.

وبعدها دخلت وهو قال للبنات بصوت واطي:
الدار دي بتاعتي انا ولما اقولكم تيجوا الاوضه بالليل يبقوا لازم تيجوا انتم سامعين ولا لا، اتفضلي انت وهي، وانت يا فاطمه لو ما جيتيش النهارده ما تعرفيش انا هعمل فيك ايه، وما تروحوش على اواضكم وتتفضلوا تروحوا على المطبخ والشغل اللي في المطبخ كله يخلص.
وبعدها مشيوا وانا كنت معدية، فقال لي:
يسري: بت يا اسماء هو انا مش قولت لك اني عايزك ما جيتيش امبارح ليه تشوفيني عايز ايه ولا لازم اتحايل عليكي ولا ايه بالظبط؟
اسماء: معلش يا استاذ يسري هو حضرتك بتقول ايه ممكن تعلي صوتك شويه لاحسن انا مش سامعه خالص ودني وجعاني.
يسري: وطي صوتك يا بنت انتي وانا بكلمك ما ينفعش انك تتكلمي معايا بالطريقه اللي انت بتتكلمي بيها دي انت سامعه ولا لا؟
اسماء: يا استاذ يسري معلش انا اسفه محتاجه سماعه والله صوتي واطي علي صوتك كده بس شويه ولا اقولك انادي حد من المدرسين يسمعك ويقولي.
يسري: هو انت فاكره نفسك بالطريقه اللي انت بتعامليني بيها دي هتكسبي يعني ده انت ما تعرفينيش انا لو حطيتك في دماغي متعرفيش هعمل فيكي إيه.
اسماء: هوووش انت لو تقدر تعمل معايا حاجه كنت عملتها بس انت عارف كويس قوي ان انا ما بسكتش ولو فكرت تيجي عليا انا بجد هعرف الدار كلها، انت سامع ولا لا؟
يسري: انت ازاي يا بنت انت هتتكلمي معايا بالطريقه اللي انت بتتكلمي بيها دي انت ما تعرفيش انا مين هنا ولا ايه؟
اسماء: امسك بس عليك دليل وهتشوف انا هعمل فيك ايه.

وبعدها مشيت وراحت ساره جنبه وقالت:
ساره: البنت دي شايفه نفسها قوي وبصراحه ربنا كده، انت بقا تقدر تعمل ايه معاها؟
يسري: متقلقيش قريب قوي يا ساره هتشوفيني هعملك فيها ايه اصبري عليا بس.
وبعدها دخل مكتبه. وشويه وجت مراته وفاء وقالت:
وفاء: عياك بايه يا يسري اللي انت بتعمله فيا ده انا حاسه ان انا بشحتك هو انا ما ليش حق عليك انك تيجي البيت وتشوف عيالنا ولا ايه يا راجل انت؟
يسري: تاني يا وفاء انت جايه هنا ليه قولتلك الف مره انا مش هرجع البيت الا لما امك تمشي منه انت سامعه ولا لا؟
وفاء: مش فاهمه بس ازاي هعمل الكلام اللي انت بتقول عليه ده وانت عارف ومتاكد كويس قوي ان ماما هي اللي شاريه الشقه بفلوسها يعني المفروض ان احنا اللي ضيوف عندها.
يسري: طيب خلاص انت عايزاني في البيت ليه بقى اما كفايه امك اللي شاريا الشقه بقولك ايه ما توجعيش دماغي لو عايزاني ارجع شقه امك تكتبها ليا باسمي انتي سامعه ولا لا ومعنديش غير كده.
وفاء: انت بتقول ايه يا يسري شقة ايه اللي تكتبها لك دي طيب ما كان أولى تكتبها لي انا مش انت، بطل كلامك ده.
يسري: خلاص يبقا مش راجع وانتي حرة بقا مع امك.
وفاء: يعني انت حتى مش عايز تشوف بنتك يا راجل والله حرام عليك البنت في سن المراهقه ولازم تحس ان ابوها جنبها يعني لازم تبقا موجود انت سامع ولا لا؟
يسري: بقول لك يا وفاء كلامي خلص لحد كده وما ينفعش حد يشوفك موجود هنا اتفضلي امشي وبقول لك صحيح اكدي على البنت ان هي ما تخرجش من غير الحجاب وتصلي قبل ما تنزل.
وفاء: انا مش عارفه ادير البنت لوحدي ومحتاجاك جنبي بجد ما ينفعش والله اللي انت بتعمله ده انت ايه اللي عجبك في القاعده هنا يا راجل؟
يسري: بقولك ايه انا ورايا شغل كتير لو سمحت بقى اتفضلي انت وبعد كده نبقى نتكلم.