من جبروت جوزي
ساره
ايه يا بنتي حرام عليك كل ده عمال ارن عليكي جرس وانت مش راضيه تردي في ايه مالك
رقيه
اسكتي يا ساره مش عارفه اعمل ايه
تصدقي عشان الدكتوره بتاعتي سافرت مش عايزني اكشف عند اي دكتوره وشكله كده هيخليني اولد في البيت
ساره
انتي متاكده ان جوزك ده طبيعي يا بنتي انا حاسه ان دماغه فيها حاجه هو في ايه حاسه ان هو عايش في عصر سي السيد قوي
رقيه
بالله عليك بدل ما تفضلي تتريقي عليا بالطريقه دي قوليلي اعمل ايه بجد انا مخنوقه قوي
ساره
انت عارفه ان انا شغاله في المعمل واكتشفنا تركيبه غاليه جدا بس انا مش عارفه انتي هتوافقي ولا لا
التركيبه دي لو حطيتيها في العصير لجوزك هيبقى حامل وتعاملي معاه بنفس التعامل
رقيه
ايه الهبل اللي انت بتقولي عليه ده لا طبعا انا يمكن اعمل كده ازاي يعني جوزي يبقى حامل
ساره
هي دي الحاجه الوحيده اللي هيخليه يشيلك من دماغه شويه يبطل الغيره الزياده اللي هو فيها
رقيه
مش عارفه والله يا ساره بس انا حاسه ان انا مخنوقه قوي
ساره
التركيبه اهي لو حسيت ان انت محتاجاه حطيها في العصير وبجد جوزك هيطلعك من دماغه خالص وبعدها مشيت وكنت قاعده علي الفيس
وهو دخل
يوسف
هو في ايه بالظبط في التليفون عمال يضحكك قوي كده انت بتتكلمي مع مين وريني الموبايل ده
رقيه
الله يا يوسف هو في ايه انا كنت عادي بتفرج على فيسبوك ما كانش في حاجه يعني كنت بتكلم مع حد فيها
يوسف
فيسبوك هو انت ما قلتليش ليه يا ست هانم ان انت عامله فيسبوك انا ما بخليش مراتي عندها فيس
رقيه
لا والله حرام قوي اللي انت بتعمله معايا ده انت عايز تخنقني ده التلفزيون ممنوع الموبايل كمان عايزه يكون ممنوع
يوسف
هو انا منعت التلفزيون ليه مش عشان قلتي تامر حسني ده حبيبي خش يلا اعمليلي كوبايه شاي
رقيه
اوف بقي والله اتخنقت منك وبعدها دخلت
وراحت افتكرت كلام ساره وحطط التركيبه في كوبايه الميه وخرجت الشاي والميه
رقيه
اتفضل عايز حاجه تانيه قبل ما ادخل انام
يوسف
لا شكرا مش محتاج منك حاجه وكويس ان انت جبتي ميه لاحسن انا عطشان قوي وبعدها راح شارب كوبايه الميه كلها
وانا دخلت الاوضة وبقيت اقول
رقية
استر يارب وميكتشفش الحكاية منك لله يا سارة انا ايه اللي خلاني اسمع كلامك بس
وعدت الايام ولقيت في يوم يوسف راجع من بره وحاطط ايدة في وسطة وبيقول
يوسف
اااه ياااني اااه الحقيني يا رقية ااه مش قادر اه ياني
رقيه
مالك يا يوسف في ايه يا حبيبي انت تعبان عندك ايه
يوسف
اه ياني مش عارف انا عندي ايه يا رقيه انا كنت في الشغل قاعد في امان الله وفجأه كده لقيت نفسي بجرى على الحمام وبرجع ونفسي غامة عليا وعايز اكل حاجة حرشة
رقيه
ههههه ايه الأعراض اللي انت بتقول عليها دي يا يوسف دي اعراض واحده حامل يا حبيبي
يوسف
نعم ياااختي اااه واحدة حامل ايه التخاريف دي يا رقية لا لا اكيد مش كده خالص لا اعاااااااااا نادي لي ماما من تحت تشوفني مالي يلا
رقيه
طيب اهدي بس يا حبيبي واحنا نروح لدكتور احسن ونشوف عندك ايه بالظبط هي مامتك يعني هتعملك ايه يلا قوم نروح لدكتور يلا
يوسف
لا لا مش رايح في حتة نادي لي ماما يا رقيه بسرعه يلا الله يخليكي
وطلعت مامتة وقالت له
الام
مالك يا عين امك فيك ايه بس ايه اللي حصلك
يوسف
مش عارف يا ماما اصل انا كنت في الشغل وكنت عمال ارجع ونفسي في حتة جبنة قديمة والله وفسيخ
وانا كنت واقفه جنب امه وكاتمة الضحك وحماتي قالت له
الحما
ياحبيبي يابني ده ايه ده بقي اللي عندك انتي اكلتيه يا رقيه انطقي وبعدين انتي بتضحكي على ايه يعي جوزك فيه اللي فيه واني واقفه بتضحكي
رقيه
الصراحة الأعراض اللي عند ابنك دي يا طنط بتقول ان هو حامل اصل كل الأعراض دي كانت عندي انا بالظبط في أول الحمل ههههه
الحما
هار اسود ابني حامل انتي اتجننتي في عقلك يابت ولا ايه استغفر الله العظيم تعالي يا حبيبي نروح لدكتور يكشف عليك ونشوف في ايه عندك بالظبط
رقيه
طيب انا هاجي معاكم عشان اطمن عليك يا حبيبي انا مش هسيبكم تروحو لوحدكم كده
يوسف
لا خليكي انتي هنا وماما هي اللي هتيجي معايا يلا يا ماما بينا نروح للدكتور
وبعدها راحوا لدكتور اللي فضل يكشف ويقول
الدكتور
ايه ده غريبة اوي يا ساتر يارب ايه ده بجد في ايه اللي بيحصل ده
الحما
في ايه يا دكتور ما تطمنا ياخويا بدال ما انت روشنا معاك كده ابني مالة
الدكتور
لحظة واحده يا هانم اديني بكشف عليه اهوه اهدي كده بس عشان انا شاكك في حاجة وعايز اتأكد منها ضروري قولتي الاعراض اللي عندك ايه يا حبيبي
يوسف
يا دكتور بقولك نفسي غمة عليا اوي ونفسي اكل حاجات حادقة وفسيخ وكده يعني وحاسس اني عايز ارجع تاني هو انا عندي ايه يا دكتور هو انا هموت ولا ايه
الام
بعد الشر عليك يا حبيبي ما تقولش كده ما تخلصنا بقا يا دكتور ده ايه الهم ده طمني ابني ماله لحسن والمصحف اخده واروح لدكتور تاني
