من جبروت جوزي
رقيه
ربنا يقومك بالسلامة ان شاء الله يا حبيبي
يوسف
انا وانتي يارب يا حبيبتي قولي لي عامله ايه في شغلك بقا
رقيه
اسكت يا يوسف ده الشغل ده طلع متعب اوي الصراحة يعني وكده ربنا يسترها ويعديها على خير ااه صح انا رايحة بكرة للدكتور عشان اشوف النوع بتاع البيبي ايه
يوسف
طيب خودي ماما معاكي ولا مامتك انتي سامعه متروحيش لوحدك
رقيه
حاضر وبعدين هو انت هتعيده تاني ولا ايه بقولك ايه انا خلاص بقت بعتمد على نفسي ماشي
يوسف
خلاص اللي تشوفيه اعمليه يا رقيه انتي حرة
وبعدها روحت انا وماما عند الدكتور وقالي
الدكتور
انتي حامل في ولد يا مدام رقيه وصحتة مشاء الله كويسة جكدا يعني هيتولد بصحة جيده جدا
رقيه
انا مش عارفه اقول لحضرتك والله ربنا يخليك يارب شوفتي يا ماما بيقولي ولد
الام
الف مبروك يا حبيبتي ربنا يكملك على خير وتقومي بالسلامة يارب
وبعدها مشينا من عند الدكتور وماما قالت لي
الام
هو ياختي جوزك هيفضل قاعد لك في البيت كده علطول وانتي اللي تنزلي تشتغلي وتروحي وتيجي هو ايه ده بقا
رقيه
يا ماما ماهو غصب عنه برضو يعني هيعمل ايه في الحمل اللي في بطنة ماهو لازم يكون راقد على ضهرك كده
الام
استغفر الله العظيم وانا اللي كنت بقول عليه سيد الرجاله قال سيد الرجاله قال ده محصلش حتى سعدية
رقيه
خلاص بقا يا ماما هو في ايه وبعدين بلاش كلامك ده قدامة ليزعل وبعدين بيني وبينك انا اصلا ما صدقت اللي حصله ده حصل عشان بقيت على حريتي كده وبراحتي
الام
طيب ياختي لما نشوف اخرتها معاكم ايه انتو الاتنين بلا هم ده المصيبة دي على العموم ابقي خلي بالك من نفسك ومن جوزك الحامل اللي في البيت
وبعدها رجعت البيت ودخلت وقولت
رقيه
حبيبي انا جيت اهو انت ايه اللي قومك من السرير بس
يوسف
اصلي زهقت من الرقده يا رقية وقولت اقوم امشي رجلي وبعدين انا جوعت انتي جبتي لنا ايه معاكي حلو يتاكل
رقيه
انا جبت لك كل حاجة حلوه ادخل انت بس ريح على السرير وانا هدخل اعملك احلى اكله دلوقتي
وتليفوني رن ورديت وقولت
الووو ايوه يا استاذ عاصم الحمد لله انا بخير اه انا لسه داخله البيت اهو بكره الصبح الورق هيبقا قدام حضرتك على المكتب ان شاء الله مش هتأخر متقلقش مع السلامة
يوسف
وده يطلع مين ده بقا يا رقيه
رقيه
ده استاذ عاصم يا حبيبي كان بي من عليا وكمان بيطمن على الشغل وكده ايه انت هتغير برضو ولا ايييه
يوسف
لا وهغير ليه هو انا بقا ليا عين اتكلم بعد اللي حصلي ده ما انتي خلاص بقيتي راجل البيت واللي بقيتي تشتغلي وتجيبي الفلوس انا هسكت مش هتكلم
رقيه
معلش بكرة لما تولد هتنزل لشغلك وحياتك تاني بس انا هشتغل زي ما انا ااه انا الصراحة لقيت الشغل حلو اوي يعني
يوسف
ماشي يا رقيه خلاص انا هسيبك تشتغلي واسيبك تعملي كل اللي انتي عايزاه
وتاني يوم رايحة الشغل وواحد قالي في الشارع
هو
ايه الجميل اللي ماشي لوحده ده معقوله في غزال يبقا ماشي كده وحامل كمان
رقيه
استغفر الله العظيم يارب ده ايه الناس دي هو انا كل لما امشي في طريق الاقي القرف ده يا ساتر هوووف
وبعدها رحت الشغل ودخلت مكتب عاصم وقالي
عاصم
يا صباح الجمال كله كنت خايف لحسن متجيش ومتكونيش خلصتي الشغل اللي انا طلبتة منك امبارح
رقيه
لا ازاى بقا ده انا وعدت حضرتك اني اخلصه كله واجيبه وهو اديني جبتة ليك اتفضل بص فيه
عاصم
امممم الصراحة شغله لا يعلى عليه يا رقيه من يوم ما اشتغلتي هنا وانتي شايفه شغلك بالظبط ده انا حتى بحسد جوزك عليكي
رقيه
احم اااا طيب تؤمرني بحاجة تانية حضرتك ولا ايه انا هاروح اشوف شغلي عن اذنك
ومسكني من ايدي وقالي
استني يا رقيه انتي مستعجلة ليه بس ده انا لسه عايز اتكلم معاكي في حاجات مهمة اوي
رقيه
حاجات ايه دي حضرتك لو سمحت سيب ايد بعد اذنك
عاصم
حاضر هسيبها اهو بس انا كنت عايز اقولك اني معجب بيكي اوي من يوم ماجيتي هنا وانا بصراحة مش ببطل تفكير فيكي
رقيه
انت بتقول ايه يا استاذ عاصم انت اتجننت انت ناسي اني متجوزة وحامل كمان
عاصم
والله انا بحسده بجد هو في واحده تبقا قمر كده وهي حامل تعالي بس قربي مني شويه
رقيه
انت قليل الادب اصلا ابعد عني
وسبتة ومشيت ورجعت البيت وحكيت ليوسف اللي رد وقالي
يوسف ببرود
ما أنا قولت لك يا رقيه بلاش تنزلي انتي اللي صممتي هو انا يعني قادر اني انزل وانا بالشكل ده
رقيه بعصبيه وزعيق
لا لا انت بتقول ايه انا بقولك الراجل بيعاكسني يا يوسف ده كان عايز يلمسني وانت بقيت عامل زي الستات ليه كده لا فوق يا يوسف انا عايزاك ترجع زي الاول تغير عليا انت مبقتش بتغير عليا ليه اعاااااااا انا عايزاك ترجع تغير عليا يوسف انت بقيت عامل كده ليه رد عليا
وفجأة لقيت يوسف بيقولي
رقيه رقيه فوقي انتي بتحلمي ولا ايه يا رقيه اصحى
رقيه
ايه ده هو ايه اللي حصل يا يوسف
يوسف
مش عارف انا كنت قاعد بشتغل لقيتك عماله تسرخي وبتقولي كلام مش مفهوم هو انتي كنتي بتحلمي ولا ايه
بعدها فوقت شوية وقولت
هو انت مش حامل يا يوسف وانا كنت في الشغل ورجعت
يوسف
ايه الكلام العبيط ده حامل ايه وانتي نزلتي ايه انتي عبيطة في عقلك يا بنتي ولا ايه
رقيه
الحمد لله يارب الحمد لله انه طلع حلم مش حقيقه
يوسف
وده ايه الحلم ده ان شاء الله بقا
رقيه
مش مهم بقا يا حبيبي المهم انك انت زي ما انت ولسه بتغير عليا يا يوسف مش كده يا حبيبي
يوسف
طبعا واي حد يبص لك بصه اخلص عليه
رقيه
ياحبيبي يا يوسف ربنا ما يحرمني منك يارب انا هاقوم اعملنا حاجة نشربها
وبوستة وخرجت من الاوضة ويوسف قال
دي مجنونه دي ولا ايه يمكن هرمونات الحمل ولا حاجة
وعرفت بعدها ان غيرة يوسف عليا نعمة ونفسي انها تدوم
وبكده تكون خلصت حكايتي
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”
