مدير الملجا
وبعدها مشيت، وفي شقة يسري كانت قاعده بنته نرمين قدام اللاب توب وبتتكلم مع شخص اسمه احمد. دخلت جدتها وقالت:
الجده: ايه يا بنت اللبس اللي انت لابساه ده وبعدين هو انتي عماله بتكلمي مين كده؟
نرمين: الله جرا ايه يا تيته في ايه هو انا لابساه في الشارع يعني ولا ايه ده انا قاعده في اوضتي اهو وبعدين ده انا بكلم واحدة صاحبتي لو سمحتي يا تيتة انا عندي مذاكرة.
الجده: طيب ولما هي واحدة صاحبتك ليه قفلتي اول اما انا دخلت عليكي الاوضة؟
نرمين: وبعدين بقا يا تيتة هو انا في تحقيق ولا ايه الله يخليكي سبيني اركز بقا في المذاكرة لو سمحتي انا مش فاضية للكلام الكتير ده.
الجدة: بقا كده طيب يا نرمين انا بقا اروح لأمك وتشوف لها صرفه معاكي.
وفي الدار، ياسمين قالت لي:
ياسمين: في ايه يا اسماء انتي ليه كل لما بتيجي تتكلمي مع الاستاذ يسري بتكلميه بطريقة مش لطيفة؟
اسماء: عشان هو راجل عايز كده وبعدين انا اشتكيت لحضرتك قبل كده من تصرفاتة مع البنات بس لسه مفيش اي حاجة خالص ولا عملتو حاجة.
ياسمين: ومين قالك ان انا ساكتة يا اسماء على فكرة بقا انا بفكر له في خطة متخرش المايه وعايزاكي تساعديني فيها بس لما يجي وقتها هبقا اقولك تنفيذها ماشي.
اسماء: بجد يا ابله ياسمين طيب ياريت والله ده انا معاكي في اي حاجة.
ياسمين: المهم اللي طلبتها منك ان مش عايزة حد يعرف بالكلام ده خالص مفهوم يا اسماء؟
اسماء: حاضر يا ابله ياسمين من عنيا الاتنين.
وفي بيت وفاء، أمها قالت لها:
الام: ما تشوفي بنتك يا وفاء وتعرفي هي بتعمل ايه كويس.
وفاء: وهي يعني هتكون بتعمل ايه بس يا ماما وبعدين انا عارفه بنتي كويس اوي وهي مش بتعمل حاجة غلط.
الام: وانتي عرفتي منين انها مش بتعمل حاجة غلط يا بنتي…
وخرجت نرمين من اوضتها وقالت:
نرمين: يا ماما انا كنت عايزة فلوس عشان رايحة الدرس والسنتر بياخد مننا فلوس واحنا داخلين.
وفاء: ماشي يا نرمين ادخلي اوضتي هتلاقي الفلوس على التسريحة خودي منها وسيبي الباقي.
ودخلت نرمين وشافت السلسلة بتاعت امها واخدتها وبعدها نزلت وراحت باعتها عند بتاع الدهب واتصلت بأحمد وتقابلا معاً، ثم دارت أحداث تبرعات رجال الأعمال للدار حيث استلم يسري حقيبة التبرعات، وقامت اسماء بإبلاغ أبلة ياسمين بما حدث.
وفي الليل، دخلت عند يسري وقالت له:
اسماء: بص هو انا كنت ببقا عايزة اجي لك علطول بس كنت بلاقي عندك سارة اللي طول الوقت معاك… بس تقولي بصراحة هو انت كنت واخد فلوس من حد عشان الدار؟
يسري: ايوه طبعا باخد فلوس بالملايين عشان الدار هنا بس الصراحة كده انا مش بصرفها كلها على الدار يعني بخلدهم منهم شويه ليا كتير طبعا وبحط شوية في الدار.
اسماء: امممم ده انت طلعت شاطر اوي يا استاذ يسري وطلعت ناصح كمان.
يسري: اومال انتي فاكرة ايه بس اسمعي اوعي الكلام ده يطلع بره لاي حد لأحسن ازعل منك.
اسماء: لا لا يطلع بره فين ده انا اعتبرني بير اسرارك يا استاذ يسري.
وفي الوقت ده الباب خبط وكانت ياسمين اللي قالت:
ياسمين: الحق يا استاذ يسري الحق بسرعه.
يسري: في ايه يا ياسمين؟
ياسمين: ابدا اصل العيال تعبانين اوي وبيقولوا تسمم.
يسري: يانهار اسود تسمم ايه ده تعالي معايا بسرعه يلا.
وذهبوا لرؤية البنات وتبين أن الأمر غير صحيح، ثم رن هاتف يسري وكانت وفاء تصرخ وتخبره بما حدث مع ابنتهم، فترك المكان وذهب مسرعاً إلى البيت للاطمئنان على أسرته، بينما توجهت اسماء وياسمين لاتخاذ الاجراءات اللازمة وإبلاغ الجهات المختصة لمعالجة مخالفات الدار وإيقاف التجاوزات.
وفي النهاية، تم تنظيف الدار من أفعال يسري وممارساته، وعادت الأمور لطبيعتها، وعاش الجميع في سلام واستقرار ومساعدات مستمرة لتطوير الدار ورعاية الأبناء.
هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.
